(Poesia di Giovanni Salvo) VERAMENTE SQUISITA, CARNEZZIERA IN GRAN VERNACOLO. MESTIERE SOMMO DILETTO ONIRICO. LESSICO DELLA RACALMUTO CHE NON TRMONTA.

REGALPETRA LIBERA ((( blog Racalmuto)))

regalpetra@libero.it ---sergioscime@virgilio.it
lunedì 6 aprile 2015

   
LU LUNI SCIAVURUSU di Giovanni Salvo




Quannu di la Pasqua arriva lu so misi
 E a lu Carminu li cruci erginu tisi
 Annivisci' Cristu? gioia ora pruvammu
 A lu dumani fori tutti jammu
Ardi la vampa, faviddra scintillia
 Sutta li cuosti e l'ariu ca sbaria
 A lu muoddru si tira lu cannitu
 Coci l'agneddru cu lignu sapuritu
Lu luni di la pasqua tavulata truovu
 Cu allegria a la chiusa di lu Buovu
 Vidi chi fumu chi c'e' 'ni' sta trazzera?
E' festa sciavurusa di chiuppera
Lu russu di la carni 'ncandiscenti
 Pani di casa, livitatu cu criscenti
 Cacocciuli spinusi, di cori duci
 Lu cantu di tutti, a na sula vuci
Vinu ca la buttiglia chiu' nun cela
 Lumii striculiati di Rivela
 Gradiglia arruggiuta prestu e' lucenti
 Cu paci e amuri e' festa veramenti.


(Poesia di Giovanni Salvo)
 VERAMENTE SQUISITA, CARNEZZIERA IN GRAN VERNACOLO. MESTIERE SOMMO DILETTO ONIRICO. LESSICO DELLA  RACALMUTO CHE NON TRMONTA.